Feeds:
Posts
Comments

Posts Tagged ‘Lomb’

點樣理解外語?

之前有討論過,去到外國都唔代表你外語會學得好好,都要視乎你識唔識當地人,同埋有無充份利用外國環境等。Kató Lomb亦都講過語境同興趣嘅重要。但係現實中,我究竟點學先?語言最基本形態係聲音。呢啲聲音除咗本身有一啲規律,當中嘅訊息,即係語言嘅內容,又有一啲規律,例如反映喺文法同詞語。無人講語言係逐個逐個字講,而係一次過起碼講一句嘢。不過,試諗吓,如果你係沙漠度聽到阿拉伯文(你無學過)嘅廣播,你會唔會知發生咩事?結果係就算好緊要嘅嘢,都係唔識聽。如果你睇緊半島電視台,上面有畫面講緊中東政治,可能你知發生咩事,但係啲阿拉伯文,可能聽一年都係唔明咩嚟。

學外文係為咗向人學,唔係要喺外國學


(more…)

Read Full Post »

Tower of Babel

聖經傳說中嘅巴別塔,Lomb一書嘅封面

承接上文,Lomb個本"我是怎樣學外語的"英譯本大概二百幾頁,英文有高中程度或以上可以試吓睇。我認為質素會比中譯版好得多,不過真係唔識英文嘅話,可以先試吓中文版。Lomb嘅學習心得非常多,我只係抽幾個重點喺呢度講。

第一,佢幾重視語境(context)同埋個人興趣(interesse),用呢啲因素推動自己學外語。如果按Scott Alkire分析,Lomb喺用詞典、用外語課本、睇外語文學三方面,都係平衡到分析外語結構(文法、讀音等)同真係學語境兩回事。我喺英文維基抽一段講:

Even she was bored with the fabricated dialogues of coursebooks, so her favourite method was to obtain an original novel in a language completely unknown to her, whose topic she personally found interesting (a detective story, a love story, or even a technical description would do), and that was how she deciphered, unravelled the basics of the language: the essence of the grammar and the most important words.

(即使佢都覺得課本嘅虛構對話沉悶,所以佢中意嘅方法就係搵本小說,原文係佢唔識嘅語言,而個話題佢認為好有趣嘅,例如偵探故事、愛情故事,甚至專科文章。佢就係咁解構、搞清楚呢種語言嘅基本嘢,就係語法重點同埋最重要嘅字詞。)
(more…)

Read Full Post »

之前我就介紹過Barry Farber、Alexander Arguelles同埋Kató Lomb三個近十幾年比較有名氣嘅語言專家,亦都有介紹唔少英文版資料畀大家參考。今日我就想講講Lomb嘅學外語方法,有幾個原因。

一,佢喺"我是怎樣學外語的"一書好詳細咁分享咗佢大半生人學十幾種語言嘅經歷。(英譯版:http://tesl-ej.org/ej45/fr1abs.html;原文係匈牙利文,中譯版又由俄譯版譯出,大家可以搜尋"我是怎樣學外語的——二十五年學用十六種外語經驗談"呢個字眼)作為一個中年先轉行做文字工作嘅人,佢可以見證一個專業翻譯家點樣學外語,而且由於佢份工作要求極之高,而要用嘅語言又咁多,佢係必須有相當實用、有效率嘅方法學。二,更重要嘅係,佢嘅方法極可能比其餘兩位更全面。佢識嘅外文數目已經算係最少,但係係職業上要求最高:Farber據聞識20種,但係喺傳媒界並唔需要用外語,何況佢好多語言嘅水平並無好確切嘅描述。Arguelles識超過20種,甚至識睇唔少古代語言,但係做文化研究,好多語言知識限喺學術著作,並唔要求識得翻譯甚至即時傳譯。而且,Lomb本書描述嘅方法,大家都估到,係最詳細而又實用。
(more…)

Read Full Post »

自從我開始注意到How to learn any language,我就花咗好多時間去睇呢個網嘅各種學習建議,同埋睇過唔少外語教材同外語高手嘅討論。由於外國論壇(同埋甚至中國學術界)都已經詳細討論過古今中外嘅語言專家,我諗我只需要係呢度簡介一啲資料,方便大家去研究吓。以下先介紹幾個我聽過嘅專家。

How to learn any language呢個網(下稱 HTLAL)本身個名出自一本書,正正係How to learn any language,作者係Barry Farber。台灣曾經出過中譯版"如何學會任何語言"。我喺發現個網之後,就睇咗呢本書。雖然本書年代已經有少少遠(1990年),不過當中唔少技巧今日仍然有用,而呢啲技巧日後會討論。
(more…)

Read Full Post »