Feeds:
Posts
Comments

Posts Tagged ‘Cantonese’

最近有一個法官喺開庭嗰陣講咗啲關於正音嘅睇法,我好認同佢嘅觀點,想喺呢度補充返少少。

原文:http://hk.news.yahoo.com/article/100806/4/jk8r.html

佢指出嘅論據如下

  1. 「跳蚤市場 (flea market)」呢個字,應該讀做 「跳室(sat1)」,而唔係「跳早(zou2)」
  2. 正音有好多時違反咗幾十年嘅傳統,所以應該讀返原有讀音。時應該讀做 「諫gaan3」而唔係正音提出嘅「姦 gaan1」,報刊應該讀做「罕hon2」而唔係「看hon1」,姓氏入面 「韋」應該讀做「偉wai5」而唔係正音講嘅「圍wai4」,「蘇」應該讀原本嘅「sou1」而唔係「衰seoi1」
  3. 宋代《廣韻》語音同 粵語語音唔同。宋代嘅發音冇粵音咁豐富, 所以唔應該用前者嘅發音去決定後者。

我好欣賞呢個法官嘅觀察力同埋見解。好多人都會盲目噉信一啲權威。認為學者講嘅發音一定係啱,字典嘅嘢一定要跟。事實上學者做嘅嘢啱啱相反--語言學者應該做嘅並唔係去整一套標準去改變大家嘅讀音,而係客觀記述現實狀況。佢講出咗而家大家推崇備至嘅正音嘅一大問題:呢班學者似乎係想否定全族群講咗幾十年嘅語音,嚟去建立一套人工嘅標準。不過喺討論正音之前,我想補充返少少資料。

(more…)

Read Full Post »

啲人成日話粵語好難學,因為有九個聲調云云
當然唔係啦

*上面幅圖係好耐之前由 Daniel Jones (1912) 寫嘅 A Cantonese phonetic reader 果度 cap 出來
(more…)

Read Full Post »

相信大家都知道,全世界所有語言都係有咗聲,先至會有字嘅。如果淨係針對口語嘅話,大部份語言 (手語除外),只要將啲聲音適當噉放埋一齊,就會成為一句可以傳達意思嘅句子。要用拼音記低一隻語言,就係要將呢個過程倒轉做一次--將啲聲音由有意思嘅句子拆返開做唔同零件,再用符號記低。

今日我哋一齊睇吓LSHK呢套粵語拼音方案點樣將廣東話嘅音聲有系統噉拆做唔同嘅零件啦。廣東話通常都係一個字,一個音節嘅。粵拼用「音節」做單位,所以亦即係用「字」嚟做單位;每一個音節都係由母音 (vowels, 簡稱 V), 子音(consonants,簡稱 C),聲調(tones) 三樣嘢組成。好似「學」字,佢嘅粵拼係 hok6。h 同 k 係子音,夾住 o 呢個 母音。而數字6 代表佢係第六聲。

今日我會集中講吓「母音」呢部份。

喺呢度我會用例子話你聽廣東話有邊啲母音。首先我姑且將母音分做開母音 同 閉母音兩類。開母音總共有下面七個,出現得好頻密。閉母音嘅分佈有好大限制,我會留返下次再講。
(more…)

Read Full Post »

WaveSurfer – 2

今次呢篇 有少少物理少少樂理重有少少數
同埋會plot返上次記低咗嘅資料

物理:
我地感覺到嘅pitch係同個音嘅fundamental frequency(基本頻率)有關係
但係就唔係成正比
即係話有兩個音
頻率分別係f同2f
如果我要搵個音 要佢同第二個嘅pitch嘅「距離」同前面兩個嘅「距離」
個頻率就唔係3f

而係2f*(2f/f)=4f

樂理:
差一個八度個頻率就相差兩倍
而一個八度入面就切咗做十二個半音
中音C(C4)個頻率就係261.626Hz
keyboard

數學:
其實上面講pitch同頻率嘅關係叫對數關係(或者你可以話個frequency係幾何級數咁升)
咁跟返上面講咗嘅嘢
中音C對上嗰個E嘅頻率就=261.626*2^(4/12)=329.628Hz
咁A呢?
自己計(幫你數埋 係9個半音)
(more…)

Read Full Post »

WaveSurfer – 1

一開始玩,就玩啲簡單嘢先(雖則到最後都唔難得去邊)WaveSurfer

咁請大家喺上一篇個度link度down咗佢落來先

咁佢係用來分析聲嘅
但我手上又冇咩錄音,又唔想公開我把聲,所以大家就自己錄音玩啦
冇mic嘅朋友可以試吓喺youtube搵吓

有mic嘅朋友請開咗個program
再撳紅色圓錄音

咁我地錄吓廣府話九聲六調啦
(more…)

Read Full Post »

首先喺我介紹LSHK拼音之前,我想講吓點解我哋要一套標準、統一嘅粵語拼音。我認為主要有兩個理由。

一)有啲字寫唔到出嚟

粵語係用漢字書寫嘅語言。不過由於粵語吸納咗大量唔同民族嘅詞語,所以有好多詞語有得講,冇得寫。通常有咩嘢寫唔出嚟嗰陣,我哋會造一隻新字去表達。呢個方法固然可以保持到粵語同漢字圈語言嘅互通性,不過以下幾個範疇嘅詞,一直都冇統一嘅漢字去表達,令到書面粵語受到唔少限制。

  1. 擬聲詞
    a. 「諸如此類」kick-lick-kark-lark
    b. 「索鼻涕」 fee-lee-fat-let
    c. 「嘈」   bing-ling-bang-lang
  2. 語末助詞
    a. 「你返到_?我食咗飯_,你未食飯咩?你食個飽先_」
    (註:上面啲空格冚唪冷係「喇」,但係聲調唔同。)
    b. 「幫我睇睇_?我唔識_。你都唔識_?唔係_!」
    (註:上面啲空格係  「呀」,但係聲調唔同。)
  3. (more…)

Read Full Post »

廣東話

廣東話(Cantonese / 粵語 / 白話)係港澳粵桂呢四個蠻荒之地嘅語言。呢四個地方入面最繁榮嗰個係「新加坡跟班」香港,不過就算喺香港,大家返學要係學中文。因為中文hit,hit即係有文化吖嘛。呢個係市場定律我唔講咁多喇。我哋中文堂講嘅係廣東話,不過我哋都係叫做中文,貪個名好聽吖嘛。大陸自由行講嗰啲話同我哋有啲唔同,以前叫國語,政權易手(handover, 或者可以叫「香港易幟」)之後叫做普通話,即係高級中文。大家都話自己嗰隻叫中文,一隻中文,各自表述,幾咁和諧。
兩隻話都叫得做中文,噉梗係要搵一隻做代表啦。雖則我哋有鐵拳無敵孫中山,但係喺語言呢家嘢,梗係要小數服從多數啦。文明強國嘅高級中文有幾億人講,小香港加埋土廣東,四捨五入先夠九個位,論資排輩梗係北方話做阿頭啦。國家都可以出賣,點解語言唔出賣得呢?所以以後講中文要講高級中文,唔係嘅話就無文明。正如講英文要跟美國,因為美國多人啲。多人,即係有文明吖嘛。真係鍾意廣東話,唔緊要可以等下世。話唔定投胎做到溫哥華人可以講返呢隻低級中文呢。
你想知廣東話有幾咁冇地位,幾咁少人講呀?打開地圖睇吓你就會明。廣東話得嗰六千萬人喺度講緊,計埋喺廣東省生活學廣東話嘅外省人,同埋百幾年前去美加開枝散葉嗰班人,俾盡你七千萬。七千萬即係幾多?地球上面嘅1%囉。先至啱啱多過萬物之祖泡菜國。大家都係疊埋心水唔好再睇黃子華,學吓睇相聲練吓搵笑點啦。
寧為雞口毋為牛後呢個concept,唔啱我哋用。我哋做中國個屎窟都做咗咁多年咯,做咩事要轉行做廣東雞唧?

Read Full Post »