Feeds:
Posts
Comments

Archive for the ‘學語言 Language Learning’ Category

我已經好耐冇試過由零開始學新語言,今次學印地話真係一個好大嘅挑戰。首先我而家已經唔再係學生,夜晚放工返屋企再讀時間有限,另外印地話同我本身識嘅語言可以話係毫無關係,所以學習上有唔少障礙。仲要基本上喺香港嘅印度人個個都識講英文 / 廣東話,想搵人練都唔係咁易。

今次我想喺呢度分享吓我呢兩個月嘅學習歷程同埋我接觸過嘅學習資源。

我嘅目標係喺2011年之內可以唔用字幕睇得明bollywood嘅戲。即係話今次唔單止要一般溝通到,我仲要學好多好多嘅生字同語法。
(誘因…係因為我睇咗一套叫做 3 idiots 嘅印度戲,覺得好正,所以先至的起心肝要學識hindi)

由於冇統一嘅羅馬字拼寫標準,所以我決定學識咗點寫印地話先。

1) 書寫系統
首先,印地話用嘅書寫系統叫做 「天城文」devanagari (देवनागरी),係一種以音節做單位嘅文字。由於相對有系統,好少例外,所以學起上嚟唔算太辛苦。
作為一個有生活態度嘅現代人,學書寫系統當然我梗係用盡我部iPhone啦。今次我用咗兩個 app,一個叫 LearnHindi,另一個叫 ILPI (<-好貴,唔抵買)。

另外我仲搵咗兩本書,"teach yourself beginners hindi script",hindi flagship 度有得免費download嘅 字母教學 “Beginners Hindi, Writing and Conversation”
Teach yourself beginners hindi script

另加自製習字簿

經過個幾星期嘅練習,印地話嘅書寫系統已經大致入咗腦。

不過去到呢度已經遇到少少問題
1) 書寫系統同發音唔係完全對應
同英文一樣,印度話嘅串法同讀法唔係「一一對應」,即係話有時係要估嘅
e.g. 印地話天梯文承襲咗梵文嘅做法,字母係輔音,另外要喺字母四週標注母音。e.g. 喺字母右邊加一棟就係 [a],上面加一撇就係 [e]。但係當冇任何母音符號嘅時候,佢可以係冇母音 或者係 一個schwa。所以呢啲都要逐個字記。

2) 組合字型 (conjuncts)
兩個字母加埋一齊之後會有好多唔同嘅組合。呢啲字型係多到數唔晒。
不過因為唔太難估,所以我唔勉強自己要記得晒。識睇就okay。

之後我就開始學生字同文法。下次再講。

Read Full Post »

早前睇過一篇文章(Myths about vocabulary acquisition,以下稱為"上文")講到學詞語嘅問題,想喺度分享吓。有好多人聽過以下幾樣嘢:

  1. 識相對少嘅詞語已經可以令你識睇好多嘢。例如,據講識3,000最常用外文詞可以睇得明八成外文
  2. 單詞表唔係咁有用,特別因為佢脫離語境,而且慢慢會唔記得。
  3. 學詞義相關嘅詞語,例如顏色、動物、衫褲鞋襪等,會記得比較好,因為可以靠聯想嚟學。
  4. 應該永遠都喺語境學詞語,因為語境幫助記憶。
  5. 詞語嘅意思係喺語境推敲(infer)出嚟嘅話,會記得比較好,因為推敲時要諗到個意思,咁好過直接畀你知個意思。
  6. 應用詞語(表達)比辨認詞語(理解)更困難,但係比較易記到詞語。
  7. 外語教學目標係熟練一種外語,唔係只係詞語,所以唔應該分開考詞語,因為測試語言能力自然會考埋詞語。

(以上係間接譯自上文)

由於今次介紹一篇學術文章,我只會喺呢度寫通俗版本嘅解說,內文細節可以自行判斷。我哋可以睇吓以上每個迷思。 (more…)

Read Full Post »

Dutch with ease(我譯為"易學荷蘭語")係Assimil教荷蘭語嘅英版書,原作當然都係法文。今次特別講呢本書,係因為佢嘅設計比較特別。除咗前文講過嘅標準格式,Dutch with ease有幾樣特色。一,佢有好詳細嘅教學說明,亦都係本文焦點。二,佢有詳細嘅讀音說明,練習句子非常多,可以同古董版本嘅Assimil書比較。三,只有呢本書喺每一課都特別有一欄句子結構練習。

圖一:

圖二:

(more…)

Read Full Post »

今次想講點樣應用flashcard學英文。首先介紹一篇BBC嘅新聞,German economy sees ‘record’ growth of 2.2%(德國經濟破紀錄增長2.2%)我喺呢篇嘢搵到四個facts可以做flashcard。

Example 1

問:Such quarter-on-quarter growth has never been recorded before in reunified Germany

答:quarter-on-quarter

前文都講過,我到現時為止都係講緊recognition,呢題都唔例外。今次無留空答案,特別強調答案字眼。其實當你英文接觸得夠多,都知答案係指"每季度增長",同上季比較經濟增長。 (more…)

Read Full Post »

今次係第一篇寫外語教材"品牌"嘅文章,日後會討論埋其他中外教科書,主要係討論內容、教學法、效用等等。我喺前文間唔中都提過Assimil,呢個名係咩嚟?其實係一間法國公司,專出教外文嘅書,1929年創立,都算係歷史最悠久嘅外文書出版社之一。Assimil本身話係法文Assimilation嘅縮寫,英文意思都係Assimilation,即係"同化"。由1929年嘅L’anglais sans peine(英文名English with ease,我可以譯為"易學英語")開始,呢間嘢出咗百幾本書,主要係教歐洲主要語言,但係後來歐洲小語種、法國地方語言、非洲語言、亞洲語言都有出書。本文主要講With ease/sans peine系列(初級)嘅書。所有Assimil書都係對照教學語言同埋外文,而且幾乎每本書原版都係法文寫,法文同外文對照。後來,有唔少原版書開始有翻譯版,包括英文同德文,好可惜今日都仍然未有中文版。 (more…)

Read Full Post »

Angel Beats! 第5話
中文字幕:SOSG動漫社團

第5話講到戰線成員想盡方法令到天使身敗名裂。
同上篇一次,唔會每句都打晒出黎,只會隨意Cap,
複雜或者比較難既句子會加解說。
如果有錯的地方歡迎係comment提出!


ついにこの時期がやってきたか (more…)

Read Full Post »

用Flashcard學外文 (3)

其實講到Flashcard,一定要講SuperMemo呢個應該係網上最早出嘅flashcard軟件。Supermemo主要係用嚟學英文,而且一向都係共享軟件,要畀錢嘅,但係性質同其他免費嘅Anki或者Mnemosyne差唔多。後來,有一班波蘭人發現咗SuperMemo,仲成功學好英文,於是整咗個教人學英文嘅網,叫做Antimoon(點解咁叫無人知,但係出post問都會被刪帖……)。今日Antimoon主要都係講點樣學英文、介紹學英文成功嘅人(包括作者Tom哥)、網上有咩學英文嘅資源。呢個網幾乎每年都出新嘢,上年我出post時仲有兩個forums/fora,而家就變咗用Yahoo!知識+咁嘅問答區。Antimoon其中一個主要特色就係講flashcard點用,AJATT講嘅10000句日文都係借佢嘅概念。Antimoon係一個全英文嘅網,雖然都有少量中文譯本。我睇得出班admin英文的確好好,所以你學睇個網都可以學埋英文。

Flashcard雖然只係其中一個approach,但係畢竟係好值得試嘅方法。 (more…)

Read Full Post »

Older Posts »