Feeds:
Posts
Comments

Archive for July 22nd, 2010

IPA chart啲人成日話學IPA
但我見唔少人上完堂學完但連自已學咗咩都未知
所以就用呢篇文講吓

IPA係個簡寫
可以係International Phonetic Association
亦可以係International Phonetic Alphabet(右面幅圖)

咁話學嘅
自然係學後者啦(唔通學個協會有幾多個phonetician咩)
但個chart咁高深(百幾個symbol)
當中唔少symbol代表嘅音喺英文都冇
(more…)

Read Full Post »

今日我希望同大家講下英國嘅唔同方言同標準化, 今次我地主要係講文字上嘅野,
口音我地可以留番下次再傾.

方言係依度主要黎講係佢地會有唔同嘅用語唔同嘅發音, 但係佢地主要都係可以互相溝通得到嘅.
其實方言出現嘅原因主要都係由於地域阻隔同埋社會地位身份唔同等等引致,
係英國以前交通咁唔方便嘅年代, 而且又咁講階級觀念嘅地方, 當然就會有好多唔同嘅方言啦.
例如”俾呢樣野我” 咁, 我地常用嘅 Give it to me 其實就係西南英語黎,
而北面同東面嘅方言就會用 Give me it. 而西北,中部地區同東南英語就會用 Give it me.

而頭痛 Headache 基本上嘅成個英格蘭都係咁用,
但係依個字東東盎格利亞 (East Anglia) 同北面就用 Skullache,
而係英格蘭最北部嘅地方如蘭開夏 (Lancashire)就用 Headwarch 同 Headwark,
而諾森伯倫 (Northumberland) 就會用 Sore Head.
(詳見 The Cambridge Encyclopedia of The English Language – P.318-325)
(more…)

Read Full Post »

Polyglottery之我見

大概由六年前開始,我開始對學外語有好大興趣,慢慢就走上學外語嘅道路。經過幾年嘅經驗,我對學外語,尤其係學多種語言(Polyglottery)呢種學術、文化類型嘅興趣,又有咗一種新嘅理解。

一切都由我喺會考英文科失利開始。當時諗唔到有咩方法學英文,就憑一時衝動重新苦學英文語法,先發覺自己英文真係唔掂,連比較簡單嘅語法概念"過去完成式"(pluperfect)同"從句"(subordinate clause)都唔識,難怪聽唔好、讀唔好、寫唔好,更加講唔好,根本無香港高中生應有嘅英文水平。後來,我睇過兩個相當重要嘅網站,決定了我日後讀書甚至學術方面嘅興趣。一個係今日人所共和嘅,就是九年前創立嘅英文維基百科,我今日嘅英文閱讀能力,好大程度都係靠維基。另一個係How to learn any language,因為我喺個度見識過好多西方懂得多國語言嘅人(英文稱為"Polyglots"),又瀏覽過大量外國人有關學外語種種方法嘅評論,得益甚多。

你會問:學多國語言係唔係要靠一啲天資、一啲努力呢?如果每一種語言都要聽說讀寫一流先算流利(或者應該話熟練),而家我本人或者"兩文三語"尚算流利。"無三不成幾",咁我或者可以做到好初級嘅Polyglot──"Triglot"(懂三種語言者)。我幾年嚟偷住懶學嘢,我嘅經驗說明學外語,仲要係好多種,並唔需要好特別嘅天賦能力,而係需要以個人努力達到目標。
(more…)

Read Full Post »

廣東話

廣東話(Cantonese / 粵語 / 白話)係港澳粵桂呢四個蠻荒之地嘅語言。呢四個地方入面最繁榮嗰個係「新加坡跟班」香港,不過就算喺香港,大家返學要係學中文。因為中文hit,hit即係有文化吖嘛。呢個係市場定律我唔講咁多喇。我哋中文堂講嘅係廣東話,不過我哋都係叫做中文,貪個名好聽吖嘛。大陸自由行講嗰啲話同我哋有啲唔同,以前叫國語,政權易手(handover, 或者可以叫「香港易幟」)之後叫做普通話,即係高級中文。大家都話自己嗰隻叫中文,一隻中文,各自表述,幾咁和諧。
兩隻話都叫得做中文,噉梗係要搵一隻做代表啦。雖則我哋有鐵拳無敵孫中山,但係喺語言呢家嘢,梗係要小數服從多數啦。文明強國嘅高級中文有幾億人講,小香港加埋土廣東,四捨五入先夠九個位,論資排輩梗係北方話做阿頭啦。國家都可以出賣,點解語言唔出賣得呢?所以以後講中文要講高級中文,唔係嘅話就無文明。正如講英文要跟美國,因為美國多人啲。多人,即係有文明吖嘛。真係鍾意廣東話,唔緊要可以等下世。話唔定投胎做到溫哥華人可以講返呢隻低級中文呢。
你想知廣東話有幾咁冇地位,幾咁少人講呀?打開地圖睇吓你就會明。廣東話得嗰六千萬人喺度講緊,計埋喺廣東省生活學廣東話嘅外省人,同埋百幾年前去美加開枝散葉嗰班人,俾盡你七千萬。七千萬即係幾多?地球上面嘅1%囉。先至啱啱多過萬物之祖泡菜國。大家都係疊埋心水唔好再睇黃子華,學吓睇相聲練吓搵笑點啦。
寧為雞口毋為牛後呢個concept,唔啱我哋用。我哋做中國個屎窟都做咗咁多年咯,做咩事要轉行做廣東雞唧?

Read Full Post »